Amakuru asobanutse mu ngeri zose!
Igitangazamakuru gikora kinyamwuga, kigamije kukugezaho amakuru y'ibanze mu buryo bwihuse kandi bwizewe mu gushyigikira iterambere ry'u Rwanda n'Abanyarwanda.
Christa Pike, umugore w’imyaka 50 wari warakatiwe igihano cy’urupfu muri Leta ya Tennessee muri Amerika, yajyanwe kwa muganga nyuma y’uko inshinge ebyiri zagombaga kumuhitana ziteye ariko umutima we ugakomeza gutera. Leta ya Tennessee yahise ihagarika ibindi bikorwa byo gushyira mu bikorwa ibihano by’urupfu biteganyijwe muri uyu mwaka.
Umunyamakuru akaba n’Umuyobozi wa radiyo za RBA, Divin Uwayo, yambitse impeta umukunzi we Ellen Toni, umwe mu babyinnyi b’Itorero Inganzo Ngari, atangaza ko bateye intambwe igana ku kubana akaramata. Inshuti, abanyamakuru n’ibyamamare bitandukanye bahise babifuriza ishya n’ihirwe.
Umushinga wo kwagura no kuvugurura Uruganda rutunganya amazi rwa Karenge ugeze kuri 60.9%, ukaba uzazamura ubushobozi bwarwo buve kuri meterokibe 12,000 bugere kuri 48,000 ku munsi. Amazi azatunganywa azafasha kongera serivisi i Rwamagana, mu Mujyi wa Kigali no mu bice bihegereye.
Komisiyo y’Igihugu y’Uburenganzira bwa Muntu, NCHR, yakoze igenzura ry’iminsi itanu ahafungirwa abantu mu Ntara y’Iburengerazuba n’iy’Amajyepfo, harebwa imibereho yabo n’uko uburenganzira bwabo bwubahirizwa. Igenzura ryakozwe kuva ku wa 21 kugeza ku wa 25 Nzeri 2026.
Umutoza w’Amavubi U23, Eric Nshimiyimana, yavuze nyuma yo gutsinda Sudan ibitego 3-0 ko ikipe ye itararangiza akazi, anagaragaza ko filozofi ye y’imikinire ihura n’iy’Umutoza w’Amavubi makuru, Stephen Constantine. Yashimangiye ko intego ari ugukomeza kubaka ikipe ifite umurongo umwe w’imikinire no kwitegura neza umukino wo kwishyura na Sudan mu rugendo rwo gushaka itike y’Igikombe cya Afurika cy’Abatarengeje imyaka 23.
Abapolisi 24 n’abasirikare bane ba RDF basoje amahugurwa y’amezi atatu yabahaye ubumenyi mu gucunga umutekano wo mu mazi, gutabara abari mu kaga no gukoresha amato. Aya mahugurwa yabereye ku Kiyaga cya Kivu mu Karere ka Rubavu.
Umwami Mohammed VI wa Maroc yashyizeho Fatima Zahra El Mansouri ku mwanya wa Minisitiri w’Intebe, aba umugore wa mbere ugeze kuri uyu mwanya mu mateka y’iki gihugu. El Mansouri yashinzwe no gutangiza ibiganiro byo gushyiraho Guverinoma nshya.
U Rwanda rurimo gusuzuma uburyo abakozi bo mu bucukuzi bw’amabuye y’agaciro na kariyeri bajya bahabwa amafaranga igihe imvura nyinshi ihagaritse akazi kabo. Gahunda y’ubwishingizi irimo kwigwa ishobora gutanga hagati ya Frw 15,000 na Frw 25,000 ku gihe cy’imvura cyujuje ibipimo byagenwe, amafaranga akagezwa ku mukozi bitarenze ibyumweru bibiri.
Perezida wa Kenya William Ruto yunamiye umunyemari wo muri Zimbabwe Wicknell Chivayo wapfiriye mu mpanuka ya kajugujugu ari kumwe n’umugore we Lucy Muteke n’abandi bane. Ruto yavuze ko azibukira Chivayo ku bucuti bwabo, imbaraga yari afite n’icyizere yari afitiye ubushobozi bwa Afurika.
Abana babana na ba nyina bafungiye mu bigo ngororamuco bemerewe kugumana na bo kugeza bagejeje ku myaka itatu. Iyo bujuje iyo myaka, NCDA n’Urwego rw’Igihugu rushinzwe Igorora, RCS, bafasha kubategurira gusubira mu muryango cyangwa kubashakira undi muryango ubakira igihe bibaye ngombwa.
Abaturage bo mu Mirenge ya Rwempasha, Musheri na Matimba bavuga ko umuhanda wa kaburimbo ureshya na kilometero 38 wabafashije kugeza umusaruro ku isoko mu buryo bworoshye. Uyu muhanda wahaye imbaraga ibikorwa by’ubuhinzi n’ubworozi byari bisanzwe bigorwa no kubona uburyo bwo gutwara umusaruro.
Diyosezi Gatolika ya Ruhengeri yahererekanyije ibyangombwa by’ubutaka n’Akarere ka Musanze mu rwego rwo gushyigikira umushinga wo kwagura Urwibutso rwa Jenoside yakorewe Abatutsi rwa Cour d’Appel de Ruhengeri.
Umunyemari wo muri Zimbabwe Wicknell Chivayo wapfuye ari kumwe n’umugore we Lucy Muteke mu mpanuka ya kajugujugu, yari umwe mu bantu bazwi cyane muri iki gihugu kubera ubucuruzi bwe, imibereho y’akataraboneka no gutanga imodoka zihenze n’amafaranga menshi.
Google yatangaje ko yakoze Gemini 4 Argon, ubwoko bushya bwa Artificial Intelligence (AI) cyangwa se Super Intelligence (SI) nk’uko iri koranabuhanga byemejwe ko rigiye kujya ryitwa. Ubu bwoko bushya bwagenewe kwita ku mirimo igoye kandi ifata igihe kirekire, harimo kwandika porogaramu, ubushakashatsi mu by’imari n’amategeko ndetse no guhangana n’ibibazo by’umutekano kuri murandasi.
Amavubi y’abatarengeje imyaka 23 yatangiye neza urugendo rwo gushaka itike y’Igikombe cya Afurika cya 2027, atsinda Sudan U23 ibitego 3-0 kuri Kigali Pelé Stadium. Niyigena Abdul, Shingiro Honore na Sindi Paul Jesus ni bo batsinze.
Umushinga wa miliyari 16$ wo kubaka uruganda rwa Dangote rutunganya peteroli i Lamu muri Kenya watangijwe ku mugaragaro, biteganyijwe ko ruzajya rutunganya utugunguru 700,000 ku munsi. Perezida Paul Kagame yahagarariwe muri uwo muhango na Minisitiri w’Ubucuruzi n’Inganda, Antoine-Marie Kajangwe, mu gihe u Rwanda rwamaze kugaragaza ko rushishikajwe no kugira imigabane muri uyu mushinga.
Ku mbuga nkoranyambaga no mu matsinda amwe yo muri Brazil hakomeje gukwirakwira ibihuha bivuga ko Vinicius Jr ukinira Real Madrid yaba atakiri wa wundi, ahubwo yarasimbujwe umuntu usa na we. Ababikwirakwiza bashingiye ahanini ku mafoto agaragaza tattoos ze n’impinduka bavuga ko babona ku isura ye.
Ingabo za nyuma za Amerika n’u Bwongereza zari muri Iraq mu butumwa bw’ihuriro mpuzamahanga rirwanya Islamic State zasohotse muri iki gihugu, hasozwa Operation Inherent Resolve yari imaze imyaka irenga 10.
Depite Augustin Lobelle Yembi, wagaragaye mu mashusho akubita umukozi wa RwandAir ku Kibuga Mpuzamahanga cy’Indege cya Kigali, yakatiwe n’urukiko rwo muri Gabon.
APR Basketball Club yongereye amasezerano y’Umunyamerika Leonard Craig Randall II kugeza mu 2028, nyuma y’umwaka wamuhinduye umwe mu bakinnyi bakomeye muri basketball yo muri Afurika. Aya masezerano ari kuvugwaho cyane mu bakunzi ba basketball, hari n’abavuga ko ashobora kuba mu ahenze cyane ku mugabane, ariko kugeza ubu APR cyangwa umukinnyi ntibatangaje agaciro kayo.
Huye imaze igihe izwi cyane nk’igicumbi cy’uburezi n’umuco, ariko ubuyobozi bwayo burashaka ko iyo sura yaguka, ikaba n’ahantu hakurura ishoramari. Amahirwe agaragazwa ari mu macumbi, gutunganya umusaruro w’ubuhinzi, inganda, ubukerarugendo n’ibikorwa remezo.
Fabrice Shema Ngoga yeguye ku buyobozi bw’Ishyirahamwe ry’Umupira w’Amaguru mu Rwanda (FERWAFA), nyuma y’amezi 13 gusa atorewe kuriyobora. Ubwegure bwe buje nyuma y’ibyumweru byaranzwe n’ikibazo cy’amategeko cyaturutse ku bikorwa bye bwite by’ubucuruzi, cyaje kurangira yemeye ibyaha mu masezerano yagiranye n’Ubushinjacyaha.
Amavubi U23 yavuze ko yiteguye neza umukino uzayahuza na Sudan mu rugendo rwo gushaka itike y’Igikombe cya Afurika cy’abatarengeje imyaka 23. Abakinnyi bayo basabye Abanyarwanda kuzaza kuyashyigikira ari benshi kuri Kigali Pelé Stadium.
Minisitiri wa Siporo, Nelly Mukazayire, yashimiye RSSB Tigers ku muhate n’ubwitange yagaragaje muri FIBA Intercontinental Cup 2026, aho yabaye ikipe ya mbere yo mu Rwanda yitabiriye iri rushanwa ndetse igasoreza ku mwanya wa kane.
Ubwato MT Sea Wolf bwageze ku cyambu cya Mombasa muri Kenya butwaye toni 40,000 z’ibikomoka kuri peteroli byatumijwe na Rwanda National Energy Company (RNEC), biba icyiciro cya mbere cy’ibikomoka kuri peteroli u Rwanda rwakiriye binyuze mu masezerano mashya yo gukoresha Umuhora wa Ruguru muri EAC.
Amavubi yatsindiye Cabo Verde 2-1 i Praia, akomeza intangiriro nziza mu gushaka itike ya CAN 2027. U Rwanda rwahungabanyije igitinyiro cya Cabo Verde yari ivanye mu Gikombe cy’Isi, runinjiza ibitego bibiri Vozinha wari umwe mu ntwari zayo.
Umunyamerika Brandon McNulty yegukanye Shampiyona y’Isi y’Amagare ya 2026 mu cyiciro cy’abagabo, ahita yambara umwambaro w’umukororombya wari usanzwe ufitwe na Tadej Pogačar.
Umunya-Afurika y’Epfo Kyle de Beer ni we wegukanye Rwanda Open 2026, irushanwa rya golf ryabereye mu Rwanda ku nshuro ya mbere nk’irushanwa ryemewe na Sunshine Tour, nyuma y’iminsi ine ryakinirwaga i Kigali.
Umusozi muremure muri Afurika uherereye mu majyaruguru ya Tanzaniya, Kilimanjaro, uri kwibasirwa n’inkongi y’umuriro.
Bruce Melodie yavuze ko ibyabaye ubwo Diamond Platnumz yari i Kigali bitigeze bishingira ku gusuzugurana, ahubwo ko hari ibyo yanze gukora kubera uburyo byari byateguwe n’igihe yabimenyesherejwe. Yanagaragaje ko akomeje kwagura imikoranire ye n’abahanzi bo ku rwego mpuzamahanga, harimo Yemi Alade.
Manchester City yahamijwe n’akanama kigenga kurenga ku mabwiriza y’imari ya Premier League ku birego 114 muri 115 yari ikurikiranyweho. Ibihano ntibirafatwa, mu gihe iyi kipe ivuga ko inzira y’urubanza itararangira kandi biteganyijwe ko izajuririra uwo mwanzuro.
Abantu nibura 27 bishwe abandi 26 barakomereka mu bitero bibiri by’imbunda byabereye hafi ya Johannesburg na Cape Town muri Afurika y’Epfo, mu gihe cy’amasaha make. Polisi yatangaje ko kugeza ku Cyumweru nta muntu wari wafashwe ukekwaho kugira uruhare muri ibyo bitero.
Umuhanzi Bruce Melodie yavuze ko ibiganiro hagati ye na 1:55 AM bikomeje, ashimangira ko umubano bafitanye na warenze imikoranire isanzwe ukagera ku buvandimwe ndetse nta kigomba kubatandukanya.
National Defence College–Rwanda yatangiye amasomo yayo ya mbere i Bumbogo, iba indi ntambwe mu rugendo rwo kubaka National Defence University–Rwanda. Iri shuri rishya ryibanda ku mitekerereze n’imiyoborere yo ku rwego rw’ingamba, aho umutekano utareberwa gusa mu bikorwa bya gisirikare ahubwo ugahuzwa na politiki, ubukungu, dipolomasi n’andi masomo agenga inyungu z’igihugu.
Ikipe y’Igihugu y’u Rwanda, Amavubi, yageze amahoro i Praia muri Cabo Verde, yakirwa n’Ambasaderi w’u Rwanda muri icyo gihugu, Festus Bizimana, mbere y’umukino wa kabiri wo gushaka itike ya CAN 2027 uzayihuza na Cabo Verde ku wa 29 Nzeri 2026.
Umunyamabanga wa Leta muri Minisiteri y’Ubuzima, Dr. Yvan Butera, na Minisitiri w’Ubuzima no Gukumira Indwara wa UAE, Ahmed bin Ali Al Sayegh, baganiriye i New York ku bufatanye mu kugenzura indwara, isesengura ry’amakuru y’ibinyabuzima, guteza imbere abakozi b’ubuzima no gukora imiti n’ibindi bikenerwa mu buvuzi.
Ikipe y’Igihugu y’u Rwanda, Amavubi, yatangiye urugendo rwo gushaka itike ya CAN 2027 itsinda Liberia ibitego 3-1 kuri Stade Amahoro i Kigali, ku wa 25 Nzeri 2026, ibitego byose by’u Rwanda bikaba byabonetse mu gice cya mbere. Perezida Paul Kagame yari mu bari muri stade barebye uyu mukino.
Mu gihe icyumweru cy’inama z’abayobozi bakuru za UNGA81 cyasozwaga, Minisitiri Olivier J.P. Nduhungirehe na Sheikh Shakhboot bin Nahyan Al Nahyan wa UAE baganiriye ku mubano w’ibihugu byombi no kurushaho gushimangira ubufatanye bwabyo. UAE ni yo yabaye isoko rinini ry’ibyo u Rwanda rwohereje hanze mu 2024.
Reba ibitego n’ibihe by’ingenzi byaranze umukino Amavubi yatsinzemo Liberia ibitego 3-1 kuri Stade Amahoro, mu mukino wa mbere w’Itsinda K wo gushaka itike y’Igikombe cya Afurika cya 2027.
U Rwanda ruritegura kwakira Inama ya 38 y’Ibihugu bigize Amasezerano ya Montreal ku kurengera akayunguruzo ka 'Ozone' (MOP38), izahuza abahagarariye za Guverinoma, imiryango mpuzamahanga, abikorera n’abandi baturutse hirya no hino ku Isi.
Reba internet yawe, hanyuma wongere ugerageze.
Ongera ugeragezeFungura JavaScript kugira ngo ukoreshe urubuga rwose.
Subira ahabanza